Vulgrin, fils d´Ingelbaud de Vendôme, et son frère Geoffroy payen, donnent à MM. l´église paroissiale de Lancé et l´église de Sainte-Marie.
Datierung: Vers 1100
Nouerint nostri praesentes et posteri Vulgrinum filium Ingelbaldi de Vindocino, et Gaufredum paganum, fratrem ipsius, donasse S. Martino et nobis suis majoris monasterii monachis, per manum fratris nostri Jarnegonii, ecclesiam parochialem S. Martini de Lanciaco, cum altera ejusdem loci ecclesia in honorem S. Mariae constructa, et cum tota ipsius parochialis ecclesiae decima et sepultura, terraque altaris, quidquid etiam in eodem loco alii tenent de illis concessisse donari aut vendi, et insuper ut hoc fieret se spopondisse, per fidem nos adjuvare tam donationis illorum quam sponsionis ac concessionis; testibus istis: Lancelino milite, Hugone Pullo. De nostris hominibus: Gausmaro cellerario, Bernardo clerico fratre ejus, Lamberto famulo ipsius supradicti monachi Jarnegonii, qui donum suscepit.