«Lettre par laquelle un nommé Robert a vendu aux religieux de Mairmoutier, au profit du Ghambrier, le censif quil auoit à prendre sur le moulin Guynemar, situé au Centier, ensemble une partie dudit moullin, et certains arpens de pré y joignant, le tout soubs Albert, abbé de Mairmoutier, en l´an 1062.»
Datierung: 1062
Nosse debebitis, si qui eritis posteri nostri majoris hujus scilicet habitatores monasterii sancti Martini, Rotbertum quemdam, qui Evam filiam Guinemari de Monte Hildulfi habebat uxorem, vendidisse sancto Martino et nobis sub regimine tunc et nunc agentibus domni abbatis Alberti, prius per manum Hildeberti monachi, III quarteria, et postea per manum Richardi nichilominus monachi, IIIItum quarterium molendini ejusdem Guinemari de Monte Hildulfi, quem tenebat per ejus filiam, quam habebat, ut dictum est, uxorem, annuente hoc ipsa cum duabus aliis sororibus suis, et III etiam arpennos pratorum, quorum II ad eundem pertinent molendinum, quorumque singuli ad festum S. Georgii IIIIor de censu denarios solvunt. Quam scilicet venditionnem auctorizavit Ascelinus vicarius et Raimburgis uxor ejus, et filii eorum Guillelmus atque Guicherius et Ermengardis soror ejusdem Raimburgis uxoris Ascelini, quae ambae fuerant filiae Herbaldi de Villa-gradus, de cujus feuo erat ille molendinus et illa prata. Eandemque Ermengardem habebat tunc idem Ascelinus in tutamentum et in custodiam, cum omnibus quae ei jure hereditario obveniebant. Acceperant itaque pro hac autorizatione a supradicto monacho Ascelinus et uxor ejus solidos VIII, filii eorum singuli singulos porcellos, et Ermengardis illa tunc adhuc parvula porcellam unam, quae post annos plures cum maneret Blesis jam adulta unam itidem porcam ab eodem monacho et solidos IIIIor accepit, suumque rursus auctoramentum toti illi venditionni attribuit, accepto etiam promisso se suumque maritum, si quando nupsisset, et ad nostrum monasterium, etc... Haec eadem auctorizare fecit. Quod actum est anno ab incarnatione Domini M. LXII.
Testibus istis:
Guicherio. Ascelino Chotardo. Mauritio. | Ricardo. Landrico de Boloni. Rotgerio de Cons... |
De emptione et auctorizationibus supra scriptis.
Alcherio. Hugone filio Ivonis. Ascelino. Burchardo fratre Fulberti. Ascelino Chotardo. Willelmo buccello. Acherio cellarario. | Gausbelino. Fulberto. Cyro. Ademaro. Guicherio. Warino britone. |