[In nomine domini nostri Iesu Christi dei aeterni]. Hludouuicus gratia dei inperator augustus. Omnibus fidelibus sancte dei ecclesie nostrisque presentibus scilicet et futuri notum esse volumus, qualiter venit ad nos Gherardus sancte Lucane ecclesie venerabilis episcopus innotuit celsitudini nostre, quot res ecclesie epischopatus sui a multis pravis hominibus invase adque subtracte iniuste esse noscuntur tam in thesauro ipsius ecclesie quam in rebus seu mancipiis. Unde petiit pietatem nostram, ut ob amorem dei et venerationem eiusdem ecclesie veram et legalem inquisitionem fieri sup sagramentum iuberemus; sicuti et fecimus. Ideoque constituimus missos nostros Oschisum Pistoriensem et Platonem Pisane ecclesie venerabiles epischopos seu Andream Florentine ecclesie vocatum episcopum nec non Adelbertum inluster comitem adque marchionem nostrum et Ildebrandum comitem simul cum Ubaldo fidele nostro, qui veram et integram iustitiam eidem episcopo vel avocato ipsius ecclesie, de quibuscunque causis movilibus vel inmovilibus quesierint, presentaliter fieri faciant, ut lex est; vel unde predictus episcopus vel suus advocatus veram inquisitionem fieri petierit, per bonos et veraces homines hoc adimplere studeant. Precipientes etiam iubemus, ut nullus fidelium nostrorum de hac inquisitionem, quot ipse episcopus Lucane ecclesie vel advocatus ipsius petierit aut quislibet ex missis nostris venire aliquem iusserit ad plenam iustitiam predictos episcopo vel advocato ipsius faciendum, ullatenus venire se suptrahat. Quot si venire aliquis contempserit et iustitiam facere neglexerit aut facta inquisitione rei veritate sup sagramento dicere noluerit, bannum nostrum in rebus illius per predictos missos nostros mittere iubemus absque ulla dilatione. Quot si fortasse omnes predicti missi nostri ad hanc iustitiam faciendum simul se coniungi non potuerint, tunc monemus adque precipimus, ut cuicunque illorum predictus episcopus Gherardus vel advocatus ipsius hoc anuntiaverit vel hanc nostra epistola ostenserit, per se absque ulla dilatationem prefato Lucane ecclesie episcopo seo eiusdem ecclesie advocato veram iustitiam et plenam inquisitionem facere studeat; et cum rei veritas inventa fuerit, statim predictum episcopum vel advocatum ipsius ad partem prefate Lucane ecclesie sine mora revestire faciat. Et [ut] hoc certius credatur et diligentius observetur, de anulo nostro subter iussimus sigillari.
