Formulae - Litterae - Chartae: Leseumgebung

Codex Laureshamensis, Bd. II, Kopialbuch, I. Teil: Oberrhein-, Lobden-, Worms-, Nahe- und Speiergau. Nr. 996 (Reg. 1398)

Datierung: 778 05 16

Donatio Hadalbaldi. In eadem villa.

In Christi nomine sub die XVII kl. iunii, anno X regni domni nostri Karoli regis, ego Hadalbaldus dono ad sanctum dei Nazarium mrem. qui requiescit in corpore in pago rinensi in monasterio Lauressam super fluvium Wiscoz vel ad illam sanctam congregationem monachorum, que ibidem deservire videtur ubi vir venerabilis Gundelandus abbas preesse videtur donatumque in perpetuum esse volo et promptissima voluntate confirmo hoc est rem meam in pago wormatiensi in Offenstein marca VI iurnales de terra, et de prato ad tres carradas vel quicquid in ipsa marca laboratum habeo et in antea laborare seu lucrare potuero a die presente dono trado atque transfundo ita ut ab hac die et deinceps ad ipsum locum sanctum vel ad agentes ipsius omni tempore proficiat in augmentis stipulatione subnixa. Actum in monasterio Lauressam sub die et tempore quo supra. S. Hadalbadi qui hanc donationem fieri et firmari rogavit.