Datierung: 1005 07 28
In nomine sanctae et individuae trinitatis. Heinricus divina fauente clementia rex. Omnibus sanctae dei aecclesiae fidelibus, presentibus scilicet et futuris, notum fieri uolumus, qualiter nos venerabilis Geroldi abbatis pio interventu, quendam nostri iuris servum nomine Benzo, una cum filiis suis, nec non et omni acquisitione vel inquisitione sua, laureshamensi aecclesiae sub honore sancti Nazarii dedicatae, aeterna traditione accommodantes proprietavimus. Proinde per nostram regalem iubemus potentiam, quatinus laurishamensis abb. presens, sive succedens, liberam dehinc habeat potestatem tenendi investituram monasterii, accipiendi, seu quicquid sibi libeat de eodem servo eiusque filiis, eorumque acquisitione vel inquisitione omnibus modis faciendi. Et ut hec nostrae traditionis auctoritas stabilis et inconvulsa permaneat, hanc cartam inde conscriptam manu propria roborantes, sigillo quoque nostro insigniri iussimus. Signum domni Heinrici regis invictissimi M. Eberhardus cancellarius, vice Willigisi archicapellani recognovi. Data V kl. aug. Indictione IIIa. Anno dominicae incarnationis MoVo. Anno vero domni Heinrici secundi regnantis Vo. Actum in Pinga, faeliciter. Amen.