Walo, évêque de Metz, concède en précaire à Leutchardis et à ses enfants les biens qu'ils avaient donnés à l'église Saint-Étienne de Metz, à Ottange, Gandrange, Metzerwisse, etc. et d'autres biens encore à Nonsart.
Datierung: 874
ln nomine domini nostri Jesu Christi. Walo, permisericordiam Dei sancte Mettensis ecclesie episcopus. Notum sit omnibus fidelibus sancte Dei ecclesie, tam presentibus quam et futuris, qualiter Leutchardis, Deo sacrata, necnon et filins sous Nithardus dederunt aliquid de rebus suis ad partem ecclesie sancti prothomartyris Stephani, que est infra murum Mettis constructa, hoc est : in pago Scarponinse, in comitatu Berneri, in villa Hodingas, super fluvium Alsoncia, mansum indominicatum, ad quem aspiciunt de terris arabilibus ad seminandum in unoquoque anno de annona modii CLX, prata ad fenum carratas C, cum farinario uno, onde redditur in censum in unoquoque anno de farina modii XX, alios quoque mansos et sortes serviles IX: in eadem villa, cum omnibus appendiciis, cultis et incultis, totum ad integrum; et in altero loco, in propinquo de illo manso iam dicto, super eundem fluvium, in pago Wabrinse, in villa Brancelingas, mansum et sortem ingenuilem I, in villa Gendingas, mansum et sortem ingenuilem I, et de farinario quartarium unum ; in villa vero Fimerias, mansum et sortem ingenuilem I; in villa Wis, mansos et sortes ingenuiles II; in villa Cavilliaca, mansum et sortem ingenuilem I, cum silva ad saginandum porcos C. Hec autem omnia superius nominata, cum omnibus appendiciis, ad partem prefate ecclesie tradiderunt atque transfunderunt in Dei nomine perpetualiter ad possidendum cum mancipiis LX. Postea vero illorum fuit peticio et nostra decrevit benivolentia, ut ipsas res quas ipsi dederunt, necnon et alias, in recompensationem huius meriti, eis, Leutcharde videlicet, et filio eius iam dicto Nithardo, atque uxori sue Belethrude, et filio ipsius Widerico scilicet, et equivoco eius item Nithardo, beneficiare deberemus; quod ita et fecimus; hoc est : in pago Scarponinse, in Novo sarto nuncupata villa, mansum indominicatum cum omnibus appendiciis, et ecclesiam in eadem villa que est in honore sancti Apri dicata, et farinarios II; alios quoque mansos et sortes inter ingenuiles et serviles XXIIII et dimidium, cum omnibus mancipiis et ceteris adiacentiis, terris scilicet arabilibus, pratis, silvis, pomiferis, pascuis, aquis aquarumve decursibus, et quicquid ad ipsam villam aspicit, per omnia, totum cum integritate, absque ulla retractione, pro usu mercedis eis pariter beneficiamus; in ea vero ratione ut, dum ipsi advivunt, per beneficium nostrum seu successorum nostrorum ipsas res sub usu fructuario quieto ordine valeant habere et excolere, et fruetus terre recipere, et nichil exinde habeant pontificium minuendi, nisi quicquid ibidem addere, vel augmentare, vel emeliorare potuerint. Post discessum vero eorum, quandoquidem Deus voluerit, ipse res et mancipia, cum omni superposito, absque ullius contradictione vel iudicis assignatione, ad partem prefate ecclesie omnimodis revertantur, et censum annis singulis ad festivitatem sancti Stephani, que est in crastino Natalis Domini, de argento solidos IIII persolvere studeant; si vero de ipso censu tardi aut negligentes apparuerint, cum legis beneficio hoc restituant et ipsam precariam minime perdant. Facta precaria anno VI adeptionis regni Ludovici gloriosissimi regis.