Datierung: [718] 10 24
Ausstellungsort: Süstern
In Christi nomine. Dilectissimo et sanctissimo patri Willibrordo pontifici Ansbaldus monachus, filius Wigibaldi quondam, donator. Leges et iura sinunt et convenientia secularium personarum est, ut de rebus suis propriis unusquisque, quod facere voluerit, liberam habeat potestatem, et hoc solempni scriptura pro temporum serie firmetur. Quod cum ita est, ego Ansbaldus, perpensans in mente mea fragilitatem presentis vitae, cogitavi aliquid de rebus meis pro remedio animae meae seu orationum tuarum lucro dare ac delegare Quod et ita facio. Hoc est quod tibi dono in loco Haeslaos, in pago Texandriae super fluvio Dudmala, totum ad integrum quod michi genitor meus Wigibaldus quondam hereditario iure dereliquit, vel quicquid ego ibidem iuste laborare visus sum; hoc est casis, curticlis, campis, pratis, pascuis, aquis aquarumque decursibus, cum watriscapo et aratoria terra, mobili cum immobili, cum manentibus ibidem aspicientibus X, servientes hafergarias, hochofinnas, cum ingressu et egressu, cum omnibus adiacentiis, a die presenti tibi ad integrum dono donatumque perhennis temporibus esse volo. Hoc habeas, teneas, possideas atque defendas, tuisque ad possidendum derelinquas, vel quicquid exinde facere volueris, liberam potestatem habeas. Si quis vero, quod futurum esse non credo – ut supra. Actum publice in monasterio Suestra. Anno I Chlotarii regis, die VIIII Kalendas Novembris. Ego Laurentius indignus presbiter rogante Ansbaldo Dei servo scripsi.