Datierung: ca. 791
HS Signatur: München, Bayerische Staatsbibliothek Clm 6333, Fol.90V + 87R
Carolus gratia dei rex Francorum et Langobardorum ac patricius Romanorum compater idemque in Christo filius Adrian o pontifici atque uniuersali pape compatri in Chrístoque patri salutem. Multiformes namque gratias regi saeculorum referre studemus profusissimo gaudio ob incolomitatis uestrae constantiam resultamus considerantes simulque adtendentes mundi terminum ruinis crebris ac cotidiano defectu casum sui status nutare. Ideoque pro necessario speculationis ordine atque apostolice sedis gubernatione cui praeclare praesedere dinosceris, cotidianam deo cum omni gradu sacerdotali fundemur praecem optantes tali patri in longeuis temporibus regi atque fulciri simulque praecantes paternitatem uestram ut pro incolomitate nostra atque pro stabilitate regni una cum omni ordine ecclesiastico pio domino sacrificium praecum uestrarum offeratis. Ueri namque patronatus officio credimus nos protegi de sancto uestraeque speculationis ordine non diffidimus tueri de Sion, quatenus nobis sua pace interius concessa rebellan tes exterius fidei armis subjugaret nationes ut quia ecclesia apostolicis fundamentis stabilita cognuscitur ipsis praecantibus in teruentione muniatur. His itaque praemissis paternitatiuestrae studuimustransmitterepraesentem praedistinat io nem uidelicet Uualtonem sanctae matris ecclesiae Ticinensis inpositione manus uestrae fore pastorem. Resedentibus enim episcopis atque presbyteris seu ceteris ordinibus ecclesiasticis placuit nobis eum ad praedictam sedem promouere uestraeque dignitati praesentare quia tam eundi quam redeundi in his partibus seruitutis nostrae baiolus atque praecipuus operator existit. Unde eum vestrae dignitati laudabilem inuituperabilemque praeconare audemus. Nec aliunde in ouile introitum nisi per ostium nouimus. Ideoque praecamur paternitatem uestram ut nostrae praecationi super hoc sermone cedas eique dignitat em episcopalem indubitanter offeras, quatenus deinceps nos uestrae iussioni obtemperare non pigeat. Cor enim regis in manu dei consistere credimus nutuque illius huc illucque uerti. Ideoque non nostro arbitrio, sed dei credimus esse pastorale illi culmen concessum. Quod utique non ipsius cupiditate, sed nostra gestum est promotione atque idcirco postulationem nostram pro hac re non spernendo differas, sed complendo perficias. Ualere beatitudinem uestram uirtutum que succes[....