Noverint qui nostri posteri fuerint quod, anno ab incarnatione domini MLXXXIVo, veni ego Radulfus archiepiscopus Turonensis in capitulum monachorum Majoris in Monasterii et concessi eis ecclesiam Sancti Quintini. Concessi etiam eis quidquid illis ibi daretur aut venderetur, de illis videlicet rebus quas laïci homines tenent. Viderunt hoc et audierunt testes isti: Hugo thesaurarius, Samuel cognatus ejus, Isambardus de Ortaria, Ebbo clericus, Raherius filius Lodoni, Bartholomeus vicarius, Rainaldus caniscalcus, Umbaldus de Ambaziaco, Letardus de Mallevrario, Sulpicius de Larea, Bartholomeus Borrellus, Vimo de Monte Sorelli; de hominibus S. Martini: Harduinus de Tavento, Odo cellerarius, Lealdus Godinus, Martinus filius Ermenardi, Hilgodus de Sartrino, Giraldus de Sartrino, Johannes filius Benedicti, Gregorius Pipardus, Vaslinus filius Galterii.