Ego Radulfus, Dei gratia Andegavensis episcopus, tam praesentibus quam futuris notum fieri volo quod Herveus de Piparia et filius ejus, in capitulo Beati Mauricii in praesentia nostra, dimisit ecclesiae Majoris Monasterii quidquid juris dicebat se habere in praefata ecclesia, dato super sacro sancta juramento. Quod ut ratum in perpetuum habeatur, sigillo corroboratum est. Hujus rei testes sunt: Augerius abbas Sancti Sergii, Stephanus decanus Sancti Mauricii, Hugo praecentor, Herbertus archidiaconus, Gaufridus Bibens Solem archipresbiter, Bertelotus de Castro Gunterii, magister Robertus de Creonio, Gaufridus de Tallia, tunc temporis Poenceii prior, et multi alii.