Le prévôt Frédéric, le doyen Reinzon et les membres du chapitre de Saint-Lambert, à Liège, notifient à l’église de Stavelot la restitution de la terre de Tourinne.
Datierung: 1139
Ausstellungsort: Liége
In nomine sancte et individue Trinitatis. Fridericus licet indignus divina tamen preordinante clementia Leodiensis ecclesie propositus, Reinzo decanus cum archidiaconis et reliquo sancte Marie sanctique Lamberti conventu, Stabulensi ecclesie et omnibus in Christo fidelibus in perpetuum. Officii nostri sinceritas exigit ut loquentes veritatem cum proximo nostro non agamus dolum in lingua nostra, sed qur vidimus et audivimus sine ullius acceptione persone testemur. Quo circa calamitate et laboribus ecclesie fraterno affectu plurimum compatientes, que de possessione sua Turnines nobis presentibus et pro facultate nostra laborantibus egerit, presenti scripto nostro ad posterorum memoriam transmittere curavimus. Igitur cum Stabulensis ecclesia ex privilegio dive memorie imperatoris Ottonis primi haberet, ne villa Turnines eidem monasterio jure antiquo pertinens ullius umquam auctoritate persone in benefitium dari posset, sed victui et cotidianis expensis Stabulensium fratrum perpetuo deserviret, cumque reclamente fratrum conventu prefata villa contra sacrorum canonum instituta concessione quorumdam abbatum de prebenda fratrum ablata esset, domnus Wiboldus abbas Stabulensis Namucensum comitem Godefridum, qui eandem villam injuste habebat, in curia Counradi secundi Romanorum regis proclamavit et pronominatam villam judico curie recepit. Aliquanto vero post tempore, Eustachius ecclesie nostre advocatus et domni Alberonis episcopi nostri germanus sepe memoratam villam Turnines per vim occupavit, hoc scilicet rationis pretendens quod Wigerus de Woromia cujus filiam uxorem duxerat a predicto comite eandem villam in benefitium acceperat. Veruntamen domnus episcopus Albero secundus evidenti justicie ratione commotus, tum ex merito paterne dilectionis quam Stabulensi ecclesie pro cura sibi credita debebat, tum ex amonitione reverentissimi patris nostri pape Innocentii secundi et jussione piissimi regis Counradi secundi, annitentibus sedulo pro Stabulensi ecclesia domno metropolitano nostro Arnulfo sancte Coloniensi ecclesie archiepiscopo nec non Alberone Trevirensi archipiscopo apostolice sedis, non perpecimus carni et sanguini, sed suque eo fratrem suum ecclesiastica auctoriate coegit, ut villam Turnines cum omnibus inde ablatis Stabulensi monasterio restitueret, facta insuper coram nobis ab ipso promissione quod de eodem bono nullam deinceps violentiam inferret. Quod et episcopali banno firmavit et petitione nostra privilegii sui auctoritate corroboravit. Hujus rei testes interfuimus et per presentem paginam testimonium veritati ad memoriam posterorum proferimus. Ego Fridericus sancte Marie sanctique Lamberti prepositus et archidiacoconus ss. Ego Elbertus propositus et archidiaconus ss. Ego Alexander prepositus et archidiaconus ss. Ego Reinnerus archidiaconus ss. Ego Johannes prepositus et archidiaconus ss. Ego Reinzo decanus ss. Ego Reimbaldus prepositus ss. Ego Nicholaus prepositus ss. Ego Bruno prepositus ss. Ego Guazo canonicus ss. Actum est publice Leodii in capitolio sancte Marie sanctiqur Lamberti anno Domini M° C° XXX° VIIII°, indictione III, regnante domno Cuonrado secundo, regni ejus secundo, ordinationis autem domni Alberonis Leodiensis episcopi III°, in Christo feliciter. Amen.