Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg

Recueil des chartes de l’abbaye de Stavelot-Malmedy, 275

L’abbé Erlebald s’accorde avec la communauté de Notre-Dame d’Andernach au sujet d’une dîme que le monastère de Malmedy possède à Andernach.
Datierung: 1187

In nomine sancte et individue Trinitatis. Erleboldus Dei gratia dictus abbas successoribus suis in perpetuum. Utiliter mullum et provide conscribuntur ea que a nobis de possessionibus monasterii nostri geruntur, ut in singulis quibusque rebus quid, qua utilitate poscente vel qua necessitate cogente actum sit, a successoribus nostris non ignoretur. Idcirco que utilitatis fiunt intuitu et pacis respectu tanto nos diligentius observare et posterorum commendare memorie attentius oportet, quanto et commissa pastoralitas et dierum malitia sollicitudinis hujus nos admonet. Hujus ergo respectu rationis, successoribus et posteris nostris notum facimus, de indominicatura serenissimi imperatoris nostri et venerandi patris nostri Coloniensis archiepiscopi decimam in Andernaco nos habere, super qua fratres et sorores ecclesie Beate Marie ante claustrum curiam unam habent, cujus decima ad ecclesiam nostram Malmondariensem pertinere dignoscitur. Conventione itaque inter fratres prefate ecclesie, videlicet Beate Marie, et fratres nostros Malmondarienses habita, venerabili abbate Godefrido de Springirsbach mediante, in hunc finem devenerunt, quod pro prefate curie decima fratres nostri dimidiam marcam Coloniensis monete in Nativitate sancti Johannis Baptiste, et agnum unum in nocte Resurrectionis Domini a fratribus Beate Marie accipiant. Nos ergo, communicato fratrum ecclesie nostre consilio, statuimus et irrefragabiliter ordinamus et firmiter interdicimus, ne quis per succedentia tempora immutare et aliter quam a nobis diffinitum est ordinare presumat. Et ut hec rata et inconvulsa maneant, cartam hanc diligenter conscribi et sigillo nostro et ecclesie muniri fecimus, subter annotatis fratrum nostrorum nominibus et quibusdam Andernacensis ville fidelibus. Testes hii sunt de fratribus nostris : Philippus decanus, Johannes custos, Mauritius prepositus, Henricus cellerarius et ceteri omnes; de fidelibus Andernacensibus testes fuerunt: comes Udelricus de Wida , Henricus Lenhero , Godefridus et frater ejus Wicardus filii Dithwigis , Engelbertus de Bachiriga, Meilach de Wida, Daniel advocatus, Conradus, Wollf, Fridericus, Mathold , Berlolfus , Calsridere, Berwicus, Bruno, Arnoldus villicus regis, Enfridus, Richwinus de Ouerspurch. Et hec facta sunt anno Domini incarnationis M. C. L. XXX. VII, indictione quinta, sub imperatore Frederico et filio ejus Henrico.