Berte de Bullun, dame noble, donne au monastère de Stavelot trois serfs avec les terres auxquelles ils sont attachés, au village de Bra.
Datierung: 1107
In nomine sancte et individue Trinitatis. Noverit universitas fidelium tam presentium quam futurorum, quod ego Berta de Bullun, nobilis ex nobilibus edita parentibus, sed misericordia Dei indigens, pro eterne vite adipiscenda libertate, servum meum Theodericum sancto Petro sanctoque Remaclo tradidi in monasterio Stabulaus. Postea quoque pari voto alios duos addidi, Roricum et Romundum, cum terris quas ex me habebant in villa nomine Braz, que etiam plus minusve fuerit pro duobus computabantur mansis X sol. solventibus, sine omni exceptione, eadem lege et omni usu quo eas prius ex me tenuerant, pascuis scilicet, aquis, silvis silvarumque reditibus; ea videlicet ratione ut nullum advocatum preter principalem monasterii advocatum habeant, et cum prescriptum censum persolverint liberi ab omni placito at servitio sint, excepto si aliqua inter eos evenerit dispectatio seu sanguinis effusio, inde respondeant coram monasterii abbate. Et ut hec traditio rata et inconvulsa permaneat, abbas Poppo, presente tota congregatione et advocato multisque aliis utriusque sexus et etatis seu conditionis fidelibus, ex auctoritate Dei et sancte Marie et sancti Petri sanctique Remacli omniumque electorum Dei eterne dampnationis anathemate obligavit omnes qui hec violare vel infringere umquam temptaverint. Acta sunt bec anno dominice incarnationis M° C° VII°, indictione XV, regnante Heinrico quinto rege, Otberto Leodiensi presule, Poppone Stabulensi abbate, coram testibus: Heinrico advocato, Johanne et Rozone de Braz, Cuonone de Hermis, Godefrido de Rokan, Franchone de Lernov, Werizone de Holtkan, Rosone filio Roberti, Eueruino filio Albrici villici, Bosone de Sart, Meinzone de Rodena, multisque aliis. In nomine Domini feliciter. Amen.