Le roi Henri III, présent à la consécration du monastère de Stavelot, confirme à l’abbaye les biens qui lui ont été donnés ou restitués par les rois et empereurs, ses prédécesseurs, ainsi que les biens récemment acquis par échange, la garantit contre les exactions des avoués et décide qu’il ne doit y avoir qu’un abbé pour les deux monastères.
Datierung: 1040 06 05
Ausstellungsort: Stavelot
(C.) IN NOMINE SANCTAE ET INDIVIDUE TRINITATIS, HEINRICUS DIVINA FAVENTE CLEMENTIA REX. SUBLIMITAS REGALIS PRUDENTIAE DEO SERVIENTIUM PACI AC QUIETI OMNIMODIS| debet prospicere. Unde comperiat omnium fidelium nostrorum tam presentium quam futurorum industria, quod monasterii Stabulai sub nostra ditione siti consecrationi presentes, id obtinente a apud nostram | celsitudinem abbatis ejusdem loci scilicet Popponis reverentia, petente eodem abbate, juxta antiquorum regum Sigiberti, Hilderici, Chlodouei. Dagaberti, qui constructores fuerunt prefati loci, nec non et | imperatorum Karoli, Ludouuici, Ottonum trium, Heinrici, sed et serenissimae memoriae Chuonradi imperatoris genitoris nostri sanctita, appendentium vel traditarum rerum illi aecclesiae a tempore sancti Remagli | per succedentia tempora ratam preceptionem firmavimus regali auctoritate nostra. Est igitur nostra dignatione sanctitum, ut quicquid predecessorum suorum temporibus illi loco fuit traditum aut | condonatum, seu quod eidem abbati imperator Heinricus ob suae animae mercedem de Hasbanio reddidit beneficium, sive quod a divae memoriae genitore nostro ipsi fuit restitutum a comite Herimanno exherede mortuo per aliquanta tempora injuste detentum, Scalentin videlicet et Palisiol cum omnibus appenditiis suis, et quicquid ad ipsum locum emit, sextam scilicet de Amblaua et Tumbis, a comite | Godefrido de Eingeis, vel quod de bono ecclesie concambiavit Wendengias et Coruuoronnon abbatis sancti Maximini data villa Astebronna loco concambii sine aliqua infractura maneat inconvulsum. Quoniam vero | predecessores nostri reges vel imperatores suae auctoritatis firmitate ipsi loco sanctivere, ut advocatus ejusdem aecclesiae in cortibus ad locum respicientibus non presumat mansuras aut paraturas facere, | redibitiones vel freda exigere, aut placitum tenere, [aut para] fredos sibi sumere sine permissu abbatis vel voluntate, eadem et nos ipsi abbati firmando corroboramus, bannique nostri impositione ne deinceps quisquam haec audeat infringere vigoramus et quicquid sane acquisivit aut acquisitum repperit in quibuslibet rebus aecclesiae roboratur nostrae auctorationis rata preceptione, habens emunitatem ab omni | advocatorum infestatione. Et quoniam monachi alterius caenobii id [est] Malmundarii sancita antiquorum regum vel imperatorum non suffecerunt et sub duobus abbatibus rescindere eadem monasteria laboraverunt, | quod a temporibus sancti Remagli adhuc manet inconvulsum, propter haec, inquam, ut ne qua deinceps inter eos controversia fiat, quod evenisse temporibus domni imperatoris Ottonis secundi constat, statuimus | secundum mansuetudinis nostrae edictum, ut unius abbatis regimini sicut jugiter permansit utrumque sit subjectum caenobium. Et ut haec nostrae concessionis ac confirmationis de omnibus his plenior habeatur auctoritas, | manu propria hoc preceptum subter firmavimus sigillique nostri impressione insigniri jussimus.
Signum domni Heinrici tertii (L. M.) regis invictissimi.
Theodericus cancellarius vice Bardonis archicapellani recognovi (L. S.).
Data non. Junii, indictione VIII, anno dominice incarnationis millesimo XL, anno autem domni Heinrici regis tertii ordinationis XIII, regni II. Actum Stabulai feliciter. Amen.