Harduin, le comte Otbert et son épouse Hélitrude cèdent au monastère de Stavelot un manse seigneurial à Wampach dans le comté de Bastogne, en échange de douze marnes à Bourcy, à condition qu‘après leur mort ces biens feront retour au susdit monastère.
Datierung: 907 04 06
Ausstellungsort: Stavelot
Quicumque inter se de rebus propriis commutationem fieri voluerit, oportet eam omnino scripturarum [firmitate] roborari. Idcirco notum sit fidelibus sancte Dei ecclesie qualiter convenit inter Harduinum et comitem Obertum et uxorem ejus Helitrudam atque prepositum Rotaudum et fratres Stabulensis ecclesie atque comitem Rainerum, qui tunc ipsam regebat, quandam prestariam facere. Quod ita et fecerunt. Tradiderunt itaque Harduinus et predictus comes Otbertus cum uxore sua nomine Helidruda ad ecclesiam sancti Petri et sancti Remacli in monasterio Stabulaus, in quo ipse domnus Remaclus in corpore requiescit, consistente ibidem preposito Rotaudo, unum mansum indominicatum in villa Wanbaisc in comitatu Bastoniense et ipsius tunc loci habitatores; e contra tradiderunt XII mansus in villa Burcit; ea videlicet ratione, ut usquequo predicti homines viverent, legaliter tenerent absque ullius contradictione et post discessum illorum predicta villa ad monasterium rediret. Acta in monasterio Stabulaus publice sub die VIII idus aprilis, regnante glorioso rege Ludouuico anno VIII. Signum Harduini et Otberti qui hanc prestariam fieri petierunt. S. Remigii monachi. S. Guntardi. S. Roderici. S. Framerici. S. Lietmundi. S. Rotaudi, Asceri, Goduini, Hadeboldi, iterum Roderici. Signum Lietfridi, Erkenradi, Rodulfi, Ludelberti laici, Rodulfi, Raimberti, Raingeri, Bernarcri. Ego Hugo cancellarius scripsi et subscripsi.