Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg

Recueil des chartes de l’abbaye de Stavelot-Malmedy, 49

Un noble nommé Hérefrid, à la réclamation du comte Regnier, abbé, et d’Éverard, avoué de Stavelot, consent à restituer au monastère les biens de Rouvreux, Féchereux, Noidré et Lillé, en en conservant l’usufruit pour lui et pour son neveu Gislebert, moyennant une redevance annuelle.
Datierung: 905 07 21
Ausstellungsort: Stavelot

Omnibus Deo pie fideliterque militantibus notum esse cupimus Gislebertum venerabilem ducem necnon gloriosum abbatem Stabulensis monasterii Raginerum et Euerardum advocatum interpellasse quendam nobilem virum nomine Herefridum de rebus conjacentibus in pago et comitatu [Liuuensi] videlicet his nominibus: Rouoreiz, Felcherolas, Nordereit, Leleias, et omnia ibidem aspitientia que supradictus vir nobilis prefato ammonente abbate et advocato noluit longe facere a nostra memorati monasterii ditione, subtractis scilicet illis rebus nefarie quondam ab ejusdem monasterii jure. Quapropter isdem nobilis Herefridus, pro anime sue parentumque suorum remedio recordans et in veniam olim nequam facti, de hisdem rebus tradidit, atque easdem reddidit res pignoribus sancti Petri et sancti Remacli confessoris Stabulensis loci, Raginero comite et abbate presentialiter existente; tali videlicet tenore, quod idem ipse et nepos ejus Gislebertus eas haberent tempore vite sue, et annis persolverent singulis unius mansi xenium videlicet III porcos et LX fusas lini ad jam sepe dictum monasterium, post finito tempore sue et nepotis vite, illius monasterii finetenus solide et quiete possidendi redderentur juribus. Signum Ragineri ducis qui hanc cartam facere jussit. S. Herefridi traditoris. S. Euerardi. S. Gisleberti. S. Ermengisi. S. Saremanni. S. Rotaudi prepositi. S. Walonis custodis ecclesie. S. Fulradi. is S. Asceri. S. Remigii. Hugo notarius jussu Ragineri ducis recognovi, anno VI regnante Ludouuico invictissimo rege. Acta Stabulaus publice XII kal augusti.