Martin et Gammon donnent au monastère de Stavelot les trois manses qu‘ils possèdent à Awagne, à la condition de jouir, eux et leurs deux enfants, moyennant un cens annuel, des trois autres manses que leur oncle Oduin a cédés audit monastère.
Datierung: 825 09 03
Ausstellungsort: Stavelot
Non solum bonum, sed etiam laudabile videtur esse negotium, quid de transitoria mereatur eterna. Ideoque ego Martinus et Gammo pariter, cogitans de Dei misericordia, delegavimus portionem nostram de nostris propriis rebus que nobis paterno jure venerunt, tradere ad monasterium Stabulaus, ubi agyus Remaclus corpore quiescit et Audo abba preesse videtur, in villa Wauania mansa III; ea ratione, ut in predicta villa concedatis nobis alia III mansa que avunculus noster Oduinus dedit ad prefatum monasterium tempore vite nostre et infantibus nostris hiis nominibus Gammoni et Athilloni, tantum ut annis singulis in festivitate sancti Remacli solidos VIIII persolvere studeamus ipsasque res licentiam non habeamus in ullo naufragio ponere, sed post nostrum omnium decessum utreque res cum omni melioratione ad proprium revertantur dominum. Quod si de ipso censu negligentes apparuerimus, legibus emendare studebimus. Acta in monasterio Stabulaus publice sub die III non. septemb., anno XII regnante domno Ludouuico imperatore. Sigillum Audonis abbatis qui hanc precariam fieri jussit et manu propria firmavit. Signum Euerardi S. Hilperici. S. Angligeri. S. Bernerici. S. Alberti. Ego Olfridridus notarius ad vicem domni Audonis abbatis.