Abt Grimald verleiht an den Leviten Adalhelm den von ihm an Sanct Gallen übertragenen Besitz zu Stubinchova, Busnang, Oberdorf, Hünikon, Winikon, Wichramraeswilare, Rothenhausen und Wencineshusun und sichert ihm seine Klosterlehen zu Stubinchova, Busnang, Oberdorf, Leutmärken, Buwil, Friltschen, Märwil, Braunau, Puppikon (?), Rothenhausen und Boltshausen.
Datierung: 865 06 24
Ausstellungsort: Kloster St. Gallen
Christi favente clementia Grimaldus abba monasterii sancti Galli. Convenit me una cum consensu fratrum et advocati nostri Alpharii ut res, quas Adalhelm indignus levita ad sanctum Gallum tradidit, ei per hanc precariam represtaremus, quod et ita fecimus Tradidit autem praedictus homo quicquid in locis infra scriptis vel in marchis eadem loca circumeuntibus, hoc est in Stubinchovun et in Pussinanch et in Obordorf et in Huninchovun et in Wininchovun et in Wichrammeswilare et in Rotanhusun et in Wencineshusun sibi in propriam hereditatem adquisivit seu quicquid proprietatis habere visus est; id est mancipiis, domibus, aedificiis, campis, pratis, agris, vineis, pascuis, silvis, viis, marchis, cultis et incultis, mobilibus atque immobilibus, aquis aquarumque decursibus et quicquid dici vel nominari potest, cum omni integritate ad praefatum monasterium contradidit; ea videlicet ratione, ut ipse easdem res statim ad se recipiens tempore vitae suae possideat. Similique modo tale beneficium, quale tunc a nobis et a fratribus acceptum habuit, absque ulla adversitate omne tempus vitae suae retineat et censum inde singulis annis in festivitate sancti Galli, hoc est dimidium solidi, persolvat. Et quandocumque ad supra memoratum monasterium venire voluerit, familiariter morari atque cum honore ibi manere illi non denegetur. Si quando quoque secularia negotia relinquere velit et monachicae vitae disciplinis se subicere decreverit, id perficere nullus ei resistere conetur. Si autem antea eius obitus contigerit, suprascriptae res absque ullius contradictione ad ius monasterii in aevum possidendae redeant. Si vero ante illius exitum et antequam regularem vitam subeat sepe nominatum coenobium in alicuius potestatem et dominatum deveniat, qui eius placitum irritum facere et disrumpere voluerit, praefatam traditionem cum I libra licentiam redimendi habeat Haec autem nomina sunt locorum, in quibus beneficium per istam precariam accepit: Stubinchova, Pussinanch, Obordorf, Liutmarinchova, Puobonwilare, Fridolteshova, Marinwilare, Pramenhouva, Pucchinhova, Rotanhusun, Pollereshusa. Actum in supradicto coenobio publice, praesentibus istis, quorum hic signacula continentur Signum Grimaldi abbatis et advocati eius Alpheri, qui hanc precariam fieri voluerunt. sig. Hartmoti decani. † Waltarii sacratarii. † Hartmanni cellararii. † Cotaberti cellararii. † Erlabaldi portarii. † Irfingi hospitarii et aliorum testium. Hartpret. † Posso. † Grimolt. † Pato. † Ruadho. † Cozolt. † Waldheri. † Richbold. † Lantpret. † Reginbold. † Erchanbold. † Engilker. † Hugolf. Ego itaque Otine indignus monachus atque subdiaconus rogatus scripsi atque subscripsi Notavi diem dominicum, VIII kal. iul anno XXVI regni Hludowici, sub Adalberto comite.