Codex Laureshamensis, Bd. II, Kopialbuch, I. Teil: Oberrhein-, Lobden-, Worms-, Nahe- und Speiergau. Nr. 251 (Reg. 846)
Datierung: 772 12 06
Ausstellungsort: Lorsch
Ego Lampertus filius Hadonis quondam et genitrix mea Regenlint, pariter pro animarum nostrarum remedio seu pro aeterna retributione, donamus ad sanctum dei Nazarium mrem. qui requiescit in corpore in monasterio Laur., ubi vir venerabilis Gandelandus abba preesse videtur, rem nostram in villa Basinsheim tam mansis, terris, campis, pratis, pascuis, peruiis, silvis, vineis, domibus, aedificiis, cum adiacentiis suis, aquis, aquarumue decursibus, et quidquid ibidem habere visi fuimus, a presenti die, exceptis duobus illis proprisis, quorum unus super riuum Lutra iacet, alter ad Luderbach. Similiter in pago lubdoninse, in Vitenheim, in Suabeheim, et in Dossenheim, tam mansis, campis, terris, pratis, pascuis, peruiis, silvis, vineis, domibus, aedificiis, aquis, aquarumue decursibus, et mancipia XVII, ad integrum a die presente de iure nostro, in ius et dominium sancti Nazarii tradimus, atque transfundimus, perpetualiter ad possidendum, et reliqua ut supra. Actum in monasterio Laur., VIII idus decemb. et tempore quo supra. Sig. Lamperti et Regenlindis matris eius, qui hanc donationem fecerunt. S. Heilradi clerici, Auttacchri clerici. Ego Samuel rogatus scripsi, hanc donationem.