Formulae - Litterae - Chartae: Leseumgebung

Codex Laureshamensis, Bd. II, Kopialbuch, I. Teil: Oberrhein-, Lobden-, Worms-, Nahe- und Speiergau. Nr. 248 (Reg. 737)

Datierung: 772 03 17
Ausstellungsort: Lorsch

Donatio Altramni pri. et Autberti in eadem marca. Anno IIIIo regni domni nostri Karoli magni, gloriosissimi imperatoris. Gundelando abbate.

In Christi nomine sub die XVI kl. aprilis, anno IIII regni domni nostri Karoli regis. Ego Altramnus pbr. et germanus meus Autbertus, pro dei intuitu, vel pro animae nostrae remedio, et pro aeterna retributione, ut veniam de peccatis nostris adipisci mereamur, per hanc cartulam donationis, donamus ad aecclesiam sancti Petri, vel sancti Nazarii mris. qui requieseit in corpore in pago rinensi, in monasterio Lauresham, vel ad illos servos dei qui ibidem deservire videntur, ubi vir venerabilis Gundelandus abba preesse videtur, donatumque in perpetuum esse volumus, et promptissima voluntate confirmamus. Hoc est rem nostram in pago rinensi in Basinsheim super riuulo Liutra, tam mansis, campis, terris, pratis, pascuis, peruiis, silvis, vineis, domibus, aedificiis, basilicam, quae est in honore sancti Michahelis constructa, cum adiunctis adiacentiis, farinariis, aquis, aquarumue decursibus, cultum et incultum, omnia et ex omnibus, totum et ad integrum tam de comparato vel de quolibet attracto, nostra in eadem videtur esse possessio, a die presente de iure nostro, in ius et dominationem sancti Nazarii donamus, tradimus atque transfundimus, ita ut ab hac die habeatis iure habendi, tenendi, donandi, commutandi, vel quidquid exinde facere volueritis liberam ac firmissimam in omnibus habeatis potestatem. Si quis vero quod fieri minime credimus, si nos ipsi aut ullus de heredibus nostris, vel proheredibus, seu quislibet ulla opposita, et extranea persona, qui contra hanc donationem a nobis factam, venire temptaverit, aut eam infringere vel inmutare voluerit, tunc inferat ad ipsum sanctum locum, vel ad agentes ipsius, duplam pecuniam sociante fisco, auri uncias IIII, argenti pondera V multa sustineat, et quod repetit, evendicare non valeat, sed presens donatio ista omni tempore firma et stabilis permaneat, stipulatione subnixa. Actum in monasterio Lauresham publice, sub die et tempore quo supra. Sig. Altramni pbi., et Autberti germani sui qui hanc donationem fieri et affirmari rogaverunt. S. Heimirici comitis, Herimanni, Berthelmi, Geruuigi, Ruodingi. Ego Samuel rogatus ab Altramno, et Autberto hanc donationem scripsi.