Notum sit omnibus aecclesiae dei fidelibus, qualiter ego Bruningus, dei gratia laureshamensis abb., ob reprimendam familiae nostrae temeritatem, per quam servi in conservos usque ad mea tempora mutua cede consurgebant, cum consilio advocatorum meorum et militum, istud decretum fieri statui, et ut ad posteros perveniret, scribere iussi. Si quis ex familia sancti Nazarii curtem conservi sui ausu temerario, et armata manu ad occidendum eum infregerit, vel in uia obuium eum habens impugnaverit, seu ille qui impugnatur occumbat, seu euadat, auctor facti cute et capillis priuetur, et insuper candenti ferro in utraque maxilla comburatur. Sequacibus eius idem fiat. Si uero aduocatus aut precio conductus, aut misericordia motus, constitutum hoc adnullare cupiat, gratia mea et aduocatione careat, donec michi vel meo successori, predio, pecunia, reliquisque rebus quae ad reconciliationem spectant, digne satisfaciat.
Notum sit omnibus aecclesiae dei fidelibus, qualiter ego Bruningus, dei gratia laureshamensis abb., ob reprimendam familiae nostrae temeritatem, per quam servi in conservos usque ad mea tempora mutua cede consurgebant, cum consilio advocatorum meorum et militum, istud decretum fieri statui, et ut ad posteros perveniret, scribere iussi. Si quis ex familia sancti Nazarii curtem conservi sui ausu temerario, et armata manu ad occidendum eum infregerit, vel in uia obuium eum habens impugnaverit, seu ille qui impugnatur occumbat, seu euadat, auctor facti cute et capillis priuetur, et insuper candenti ferro in utraque maxilla comburatur. Sequacibus eius idem fiat. Si uero aduocatus aut precio conductus, aut misericordia motus, constitutum hoc adnullare cupiat, gratia mea et aduocatione careat, donec michi vel meo successori, predio, pecunia, reliquisque rebus quae ad reconciliationem spectant, digne satisfaciat.