Arnolfo imperatori successit filius Ludouvicus, Zundeboldo fratre eius apud Mosam interfecto ab hostibus, Adelberone supradicto augustensi episcopo adhuc vivente, et Liuthero in abbatem nondum electo, sed Hattone magontinae sedis archiepiscopo laureshamensis cenobii curam per regiam institutionem gubernante. Siquidem inter Gerhardum et Liutherum abbates, Adelbero episcopus annis V, Hatto archiepiscopus annis XIII, ordine dispensatorio eidem loco prefuerunt, donec ipsis fratribus sub Cunrado I. rege plenaria electionis libertas restituta est, a quo etiam Liutherus ex fratrum electione abbatia investitus est. Iste itaque rex Ludouvicus ex petitione eiusdem Adelberonis episcopi quasdam res proprietatis sue, Sigolfo tunc ipsius monasterii preposito, et per ipsum sancto Nazario tradidit hoc modo.
Arnolfo imperatori successit filius Ludouvicus, Zundeboldo fratre eius apud Mosam interfecto ab hostibus, Adelberone supradicto augustensi episcopo adhuc vivente, et Liuthero in abbatem nondum electo, sed Hattone magontinae sedis archiepiscopo laureshamensis cenobii curam per regiam institutionem gubernante. Siquidem inter Gerhardum et Liutherum abbates, Adelbero episcopus annis V, Hatto archiepiscopus annis XIII, ordine dispensatorio eidem loco prefuerunt, donec ipsis fratribus sub Cunrado I. rege plenaria electionis libertas restituta est, a quo etiam Liutherus ex fratrum electione abbatia investitus est. Iste itaque rex Ludouvicus ex petitione eiusdem Adelberonis episcopi quasdam res proprietatis sue, Sigolfo tunc ipsius monasterii preposito, et per ipsum sancto Nazario tradidit hoc modo.