A l’ancienne confraternité existant entre l’abbaye de Cornelimuster et celle de Stavelot les abbés Florentius et Erlebald ajoutent une disposition relative aux religieux transfuges de l’une ou l’autre commuauté.
Datierung: [1174-1192]
Notum sit cunctis presentibus et futuris nos Indenses cum Stabulensibus atque Malmundariensibus antiquam habere confraternitatem et societatem plenam dilectione et officiis, nam triginta officia ipsis persolvimus in decessu eorum et vicissim ipsi nobis ex antiquo.
Verum recenti consilio abbatum utriusque ecclesie, scilicet domni Florentii Indensis et domni Erleboidi Stabulensis, utriusque capituli convenientia consonante, id actum est, ut si, quod absit et nonnunquam accidere solet, frater ab altero locorum istorum pro re qualibet remotus fuerit, ad alterum in tali casu transmigrare possit ac januam patentem, locum, praebendam et omnem humanitatem fraternitatis in vinculo pacis paratum inveniat, remoto omni scrupulo contradictionis : quod si dilectionis et societatis causa illuc morari in loco venerit et rogaverit, non negabitur ipsi, per quantum tempus voluerit.