Rodolphe, abbé de Stavelot, déclare que le village d’Eben ne dépend pas de celui de Fehun.
Datierung: 1088 09 29
Ausstellungsort: Stavelot
Ego frater Rodulfus, licet indignus tamen Dei gratia in Stabulaus abba constitutus, circuivi curtes totius abbatie et requisivi de statu uniuscujusque, et cum pervenissem ad villam Embonnes nomine et interrogassem si per se staret vel alias apprehenderet, audivi a quibusdam eam respicere ad villam que Fehun vocatur; de qua re Henrico et Franco ceterique qui illo erant tempore stupefacti clementiam nostram imploraverunt, ne vellem eos infringere, sed cum judicio et consilio fidelium nostrorum paterer eos rectitudinem curtis diracinare. Quorum precibus assensi, causam eorum in judicibus et seabinis posui, placitum ville id est Embounes cum servitio et corveia et omnibus appendiciis suis per se stare, non ad villam Fehun vel alias pertinere veraciter cognovi. Ad quam rem corroborandam et deinceps inviolatam conservandam, et cartam fieri jussi et venture posteritati reliqui. Frater Emino tunc custos et prepositus erat ecclesie, Heinricus catedre episcopali presidebat, Albertus comes Namucensis advocationem administrabat, subadvocatus Thiebaldus erat. Juratores hii sunt : Godefridus, Adelaus, Lambertus, Albricus, Algunz, Franco, Herico. Hujus rei tot testes quot fuerent presentes.