Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg

Recueil des chartes de l’abbaye de Stavelot-Malmedy, 71

Un nommé Tietwin donne au monastère de Stavelot, par l’intermédiaire de ses fils Adélelme et Theutbald, une terre située à Ychippe en échange d’un bien situé à Ohey et à Faulx.
Datierung: 953 08 02
Ausstellungsort: Stavelot

Quicumque inter se de rebus propriis commutatione[ m ] voluerit fieri, oportet eam omnimodis scripturarum auctoritate roborari, quatinus per succedentia possit tempora quod commutatum fuerit ab utrisque firmiter teneri. Idcirco notum sit fidelibus sancte Dei ecclesie qualiter convenit inter venerabilem Odilonem abbatem atque Tietuuinum quandam fieri inter se commutationem. Quam ita et fecerunt. Tradidit itaque Adelelmus filius predicti Tietuini cum Helfrido per jussionem sui patris terram quam habebat in villa Uuasipia ad altare sancti Petri sanctique Remacli in monasterio Stabulau coram predicto abbate et fratribus cum consensu advocati Erenfridi jure perpetualiter possidendam. Quapropter econtra in commutationem accepit predictus Adelelmus cum fratre suo videlicet Theutbaldo vice Tetujni patre suo a predicto abbate de rebus monasterii mansus et dimidium qui jacent in villulis Holhai et Fals in comitatu Hoyo; ea scilicet ratione, ut legaliter teneant atque possideant ipsi et posteri eorum et quicquid ex ea facere voluerint liberam in omnibus habeant facultatem. Et ut hec commutatio ab utrisque firmiter teneatur atque inconcussa perdurare valeat, hanc cartulam fieri decretum est fideliumque testium manibus roborari quorum nomina subter tenentur inserta. Actum in monasterio Stabulau sub die IIII non. aug., regnante domno gloriosissimo rege Ottone anno XVIII. Signum Odilonis abbatis qui hanc commutationem firmavit. Signum advocati Erenfridi. S. Euerardi, Uuerenmundi.