Grimoald donne à l’évêque Remacle et à la congrégation de Malmedy et de Stavelot le village de Germigny qu’il a reçu du roi Sigebert et celui de Terron-sur-Aisne qu’il a acquis de Godetrude.
Datierung: [Vers 650]
Domino sancto et in Christo patri Rimagilo episcopo vel omni congregationi monasterio Malmundario seu Stabelau consistentium Grimoaldus. Recogitans molem peccaminum meorum, qualiter veniam optinere merear, dono vobis donatumque esse volo pro compendiis ipsorum servorum Dei qui in ipsa monasteria conversare videntur, loco cognominante Germiniaco in pago Remensi, quem domnus gloriosus Sigibertus rex nobis concessit. Ipsam villam Germiniaco cum omni integritate sua domos, aedificiis, mancipiis, acolabus, pecuniis, campis, aquis cum omni soliditate et appendiciis, id est duos molendinos in Supia cum area et terra, vinea una in Beterio, et alia appenditia quae dicitur Terune juxta fluviolum Axina, quem de Godetrude dato pretio comparavi, domos, mancipiis, campis, pratis, vineis, aquis aquarumve decursibus, cum omni integritate ad se pertinente, concedo vobis a die presente perpetualiter, ut ipsam villam Germiniaco vel appendiciis suis superius cognominatis teneatis, possideatis, vel quicquid inde facere volueritis, liberam et firmissimam habeatis potestatem. Et si sane, quod fieri non credo, aliquis de heredibus meis vel aliqua opposita persona contra hanc firmationem de parva munuscula quae in ara summi Dei omnipotentis offerre non dubito, venire temptaverit, inferat in sacro fisco auri libram I, argenti pondera v, et nihilominus facta mea irrumpere non valeat. Facta exemplaria sub die kalendis augusti anno IIII regni domini nostri Dagoberti regis.