Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Hartuuici, Nummer 28

Datierung: (vor 1023) 08 02
Ausstellungsort: Regensburg

† In nomine sanctae et individua trinitatis Agnoscat totius † aecclesiae dei universitas qualiter quidam germani fratres nobiles Fridaricvs diaconus et Sigihardus comes quoddam comcambium fecerunt cum domno Hartwico sauctae Iuuauensis acclesiae venerabili archiepiscopo. Tradiderunt namque idem fratres VIII mansos et XIII iugera in pago Salpurchgouue in locis ita nominatis Walauus Tierlechinga Perandorf sitos in manus eiusdem venerabilis archiepiscopi et advocati sui Waltherii ad sanctum Petrum sanctumque Ruodbertum perpetuo iure in proprietatem Econtra predictus domnus archiepiscopus Hartuuicus per manum eiusdem advocati Waltherii consilio, consensu et petitione cleri, militiae ac familiae tradidit prenominatis germanis fratribus aecclesiam in honore sanctae Mariae constructam in valle quae Gastuina dicitur, et decimationem actenus ad eandem aecclesiam pertinentem, terminationem quoque eiusdem vallis ad eam pertinentis cum omni legalitate et utilitate, quae aecclesiis, quae matres et plebes nominantur, canonico iure debetur ea ratione, ut liberam habeant potestatem inde faciendi quicquid eis placuerit Et ut hoc concambium stabile et fumum omni aevo permaneat, isti testes sunt adducti et per aures attracti, quorum nomina sunt haec: Fridaricus comes, Ebararo, Maganus, Adalpreht, Erchanbolt, Pâtto, Embriccho, Nortpreht, Gumpo, Egilolf, Heimo. Actum est III nonas augusti Radaspone in concilio publico.