Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Odalberti, Nummer 21

Datierung: 926 10 26
Ausstellungsort: Zell in Pinzgau

TRADITIO COMMUTATIONIS INTER ÔDALBERTUM ARCHIEPISCOPUM ET REGINBERTUM ADVOCATUM IPSIUS.

Cognoscant omnes Christi fideles qualiter venerabilis archiepiscopus Ôdalbertus sanctae Iuuauensis aecclesiae consilio fidelium suorum clericorum ac laicorum quandam commutationem cum Reginberto fideli advocato suo decrevit faciendum Tradidit nanque praedictus Reginbertus talem proprietatem, veluti in loco Vuillinperg visus est habere ad sanctum Petrum sanctumque Rôdbertum ad sanctam Iuuauensem sedem in manus praedicti Ôdalberti archiepiscopi et advocati sui Engilberti comitis cum omnibus ibidem pertinentibus iuste legitimeque ad eundem locum aeternaliter in proprietatem possidendum Econtra praenominatus Ôdalbertus Iuuauensis aecclesiae archiepiscopus cum manu advocati sui Engilberti comitis tradidit praedicto Reginberto suo advocato talem locum, sicuti in loco Nuôzdorf nominato et alium locum Stêinpach nominatum visus est habere, cum omnibus ad eadem loca iuste ac rite pertinentibus perpetualiter in proprietatem possidendum sibi seu posteris eius

Isti sunt testes ex utraque parte per aures attracti Diotmar com(es), Heimo, Adalperht, Kerhoh, Otachar, Diotmar, Sigihart, Machelm, Engildio, Rafolt, Zuentipolch, Heitfolch, Frêholf, Lioan, Irminker, Irmperht.

Actum in Pisontia in loco Cella n(ominato), anno DCCCC XXVI, sub die VII kal. Ian(uarii).