Datierung: 923 10(?) 26
Ausstellungsort: Salzburg (St. Rudbert)
Omnibus igitur Christi fidelibus agnitum fore volumus qualiter Ôdalbertus Iuuauensis aecclesiae venerabilis archiepiscopus cum Gotaberto venerabili choriepiscopo suo consultu fidelium suorum scilicet clericorum ac laicorum aurem praebens quandam conplacitationem domui dei utilem peragere decrevit Tradidit namque Gotabertus venerabilis choriepiscopus in altare sancti Petri sanctique Rodberti in manus Odalberti gloriosi archiepiscopi et advocati sui Diotrici proprietatem, quam in locis Mellita et Torilan dictis in comitatu Nurihtale donante Chonrado rege acquisivit, cum curtilibus aedificiis vineis agris pratis pascuis piscationibus venationibus mancipiis utriusque sexus omnibusque sibi in praedictis locis concessis a praedicto rege ad sactum Petrum sanctumque Rodbertvm ad sanctam Iuuauensem aecclesiam perpetualiter in proprietatem, et stalim investituram dimisit. Econtra vero Ôdalbertvs venerabilis archiepiscopus cum manu advocati sui Diotrici de altari sancti Petri sanctique Rodberti venerabili Gotaberto choriepiscopo aecclesiam ad Lungouue, casam cum curte caeterisque aedificiis mancipiis utriusque sexus decimis quoque omnibus caeterisque rebus ibidem pertinentibus usque in finem vitae suae in hereditariam proprietatem tradidit atque transfudit, post obitum quoque ipsius ad praedictos sanctos dei integerrimum remittendum
Hi sunt testes ex utraque parte per aures attracti Engilbertus comes, Heimo, Kerhoh, Ludolf, Reginperht, item Kerhoh, Pirihtilo, Sigiperht, Gundperht, Ôdalhart, Herideo, Adalperht, Engilperht, Uualdrih, Sigihart, Megilo, Urliukh, Ôdalman, Rihhart, Engilvuan, Kotaperht, Erchanperht, Adalolt, Heidfolch, Mazo, Adalo, Uuolamuot, Ilpunch.
Actum in basilica sancti Rodberti, anno incarnationis domini DCCCC XXIII, VII. kal. octobris