Datierung: 904 06 03
Anno Incarnationis Dominicae DCCCCUI, indictione VI, mense septembri, cum in nomine sancte et individue Trinitatis, ego Argrimus, favente et opitulante misericordia eiusdem Salvatoris nostri, humilis Lingonensium episcopus, in gremio eiusdem matris Ecclesie in generali sinodo residens, una cum fidelibus ipsius Ecclesie et nostris, totius ordinis, abbatibus videlicet, archidiaconibus, sacerdotibus, monachis, diaconibus ceterisque ecclesiastici ordinis ministris, sed et fidelibus laicis, pastorali sollicitudine ecclesiarum nostre indignati commissarum negotia et utilitates, pro modo possibilitatis et intelligentie nostre statuerem, et que legitime stabilita erant equo libramine preponderans inconvulsa permanere disponerem, ac si quid forte distortum et inauctorabile apparere poterat, propitia Divinitate ad rectitudinis lineam reducere satagerem; inter cetera rationum nostrarum studia quibus omnes communiter instabiliendis et confirmandis ecclesiasticis sanctionibus insudabamus et de quarundam ecclesiarum ad nostram diocesim pertinentium destitutionibus dolebamus, qualiterque adjuvante Domino restaurari possent communi voto querebamus,ventum est et recogitatum a nobis de ecclesia sancti Vincentii martyris Christi, in castello Divione sita, que necessario destituta tune et viduata recto (reque) pene adnihilari videbatur. Cuius cum recuperatorem et diligentem quereremus instauratorem inter reliquos nostros bonae voluntatis fideles, optulit se quidam satis nobis devotus et recte nostre intentionis cooperator, archidiaconusque ecclesie nostre, nomine Ratherius una cum nepote suo Aldefredo vocabulo, dicens hanc ecclesiam ad restaurandum pro modo sue possibilitatis velle suscipere et ex propriis rebus eam se, prout eis competebat paratum esse adcrescere si nos quoque beneficientie nostre augmento in aliquo sublevaremus, et qualiter futuris temporibus stabilitate legitima potiri valeret eam adjuvaremus. Quibus cum omnibus nostre bone voluntati adherentibus consultu pie munificentie faventes, in honore et amore Dei et sancti Vincentii et ob anime nostre predecessorumque nostrorum sed et nobis in sacro subsequentium regimine pastorum eterna salute et remuneratione, assiduaque et indeficienti in eadem ecclesia orationum memoria, delegavimus et contulimus eidem loco sancti Vincentii quoddam nostre potestatis et auctoritatis mansum, cum servientibus in eo debite commanentibus, sed et vineis, terrisque et omnibus rebus ad ipsum aspicientibus, situm prope suburbium predicti Divionis castelli, in villa que vocatur Fontanis, perpetualiter in elemosina nostra ipsi ecclesie profuturum. Sed et predicti fideles nostri, Ratherius scilicet archidiaconus, cum prenominato suo nepote Aldefredo, alterum mansum situm in Oscarensi pago, in villa Sorelgiis, cum supra posito et servientibus V, casalibusque et pratis, omnibusque ad ipssum aspicientibus, sicut in carta donationis insertum est determinatis, ad ipsam tradentes pro divino amore ecclesiam, ipsam cum prescriptis rebus ecclesiam et adjacens sibi atrium petierunt temporibus vitae suae, ea ratione et tenore sibi concedi et beneficiari, ut eam pro posse suo restaurantes et honore debito percolentes, dum advixerint, in ea refugium habeant necessarium, postque discessum illorum prefate nihilominus res eidem deservient perpetua stabilitate ecclesie. Quod libenter assensu omnium fecimus nostrorum, et ut certius securiusque futuris temporibus eandem cum ipsis rebus teneant ecclesiam, per hoc liberalitatis nostre concessimus constitutum, quod propriis roborantes manibus nostris, omnibus firmendum tradidimus. Argrimus sancte Lingonensis ecclesie exiguus episcopus in Christi nomine roboravi et subscripsi. Otbertus prepositus subscripsit. Isaac archidiaconus subscripsit. Albericus levita subscripsit. Helgaudus indignus presbiter subscripsit. Ragenarius archidiaconus subscripsit. Fulculfus diaconus subscripsit. Deodatus presbiter subscripsit. Bernardus custos sancti Mammetis subscripsit. Gauzselmus diaconus subscripsit. Arnaldus archidiaconus subscripsit. Arnaldus presbiter subscripsit. Evrardus levita subscripsit. Lanbertus subdiaconus subscripsit. Ursinus presbiter subscripsit. Ingelbertus levita subscripsit. Arembertus subscripsit. Christianus sacerdos subscripsit. Galemagnus levita subscripsit. Dominicus presbyter subscripsit. Vuarnierius subdiaconus subscripsit. Alexander presbiter subscripsit. Siginus presbiter subscripsit. Letulfus levita subscripsit. Gauzselmus accolitus subscripsit. Aimbaldus levita subscripsit. Rotbertus levita subscripsit. Alherius subscripsit. Vuandalmar acolitus subscripsit. Vuitbertus subscripsit. Arhembaldus subscripsit. Gislerius subscripsit. Eldulfus levita subscripsit. Ferlagius levita subscripsit. Ermenaldus subscripsit. Ego Siricus indignus presbiter hanc prestariam scripsi et subscripsi. Datavi in mense junio, III nonas ejusdem mensis, indiction VII, anno VI regnante Karolo rege.