Chartes et documents de Saint-Bénigne de Dijon. Prieurés et dépendances des origines à 1300. Tome premier., 26
Datierung: Entre 762 et 814
Jacob, Tullensis urbis episcopus. dum rediret Roma, incitatus fama miraculorum, que in hoc loco Dei operabantur clementia per istius Sancti [sancti Benigni] merita, ad ipsius martiris Christi advenit tumulum, cupiens a Deo veniam adipisci delectorum, per hujus gloriosi martiris interventum: dumque per aliquot dies remorando ad tumbam ejus celorum penetraret intima, vocatus a Domino est ad caelestia regna; sanctique Benigni adjutus precibus et in celis cum eo gloriam, et in terra juxta ejus tumulum condignam accepit sepulturam. Cujus soror, nomine Liliosa, ad sancti Benigni veniens limina, predictum predium suum [locum qui vocatur Brittiniaca curtis, situm in confinio Tullensis et Lingonensis parochiarum] donavit sancto martiri Benigno pro fratris sui sepultura.