Chartes et documents de Saint-Bénigne de Dijon. Prieurés et dépendances des origines à 1300. Tome premier., 23
Datierung: 751 10
Ausstellungsort: Saint-Bénigne
Dominis et venerabilibus in Christo fratribus sacerdotes, levitas, lectoribus, vel omnem clerum basilicae domni Benigni, ubi ipse in corpore requiescit, die noctuque reddunt officium, vel ubi venerabilis vir Aridius preesse videtur abba, Dodolenus sive Dodo, filius Arulfi condam, servus servorum Dei, dum in hoc loco adolescens meam dimisi comam, ibidem fui nutritus, modo tempore vitae meae in ipsa stabilitate sum dicendus. Dum inspiratione Dei commonitus, in meis propensans animis, ut in jamdictis unde in futuro vel aliquantulum locum repausationis per eorum intercessionem percipere merear aliquid de rebus meis conferre debuerim; quod ita plenissima voluntate cognitus sum fecisse. Ideoque cedo ad jam dictum locum domno abbati vel ad memoratam congregationem a die presenti vel successoribus eorum qui in ipso loco deservituri erunt, cessumque in perpetuum esse volo quicquid in villa Sancto colonica, sive Bargis, quod ex successione parentum meorum mihi obvenit, curtiferis, edificiis desuper positis, vineis, campis, pratis, aquis aquarumque decursibus, accessisque omnibus, egressus et regressus. Hec omnia superscripta, preter quod ad bene meritos meos, reservavi quicquid in jam dicta villa, vel in ipsa fine, tam de alodo, tam de conquisito vel de adtracto aut undecumque ad me pervenit aut pervenire potest, quod portio mea est ad integrum aut quisque ullius cujuscumque spontanea tradicione memorati fratres mei in Christo jure proprietario in eorum revocent dominationem et ipsi bene meriti mei ibidem consistant et desuper ipsa terra pontificium non habeant discedendi, et per ipsos reddatur de jam dicta terra, annis singulis, una die, ad memoratos clericos qui ibidem deservire noscuntur, ad eorum mensam, panem modio uno, vinum modio uno, cervisa modios duos, duo pulmentaria, quod colligit in denariis XII, amplius ex hoc eis non requiratur; et cedo his predictis clericis similiter in villa que dicitur in monte Farulfo, quicquid portio mea est, ad integrum medietatem. Hec omnia, sicut superius ante firmavimus, a die presenti, memoratus domnus venerabilis Aridius abba, una cum jam dictis clericis qui eo tempore fuerint et ibidem deservierint, revocare in Dei nomen debeant perpetualiter possidendum. Si quis vero, quod nec fieri credo, si ego aut aliquis de heredibus meis vel quislibet ulla opposita persona, qui contra hanc cessionem voluntate mea conscripta venire, aut aliquid adtenptare voluerit, aut ullam calumniam generare presumpserit, inferat ad jam dictos clericos qui eo tempore fuerint, una cum sociante fisco, auri libram unam. Et nihilominus presens cessio omni tempore inviolatam obtinead firmitatem, unde mihi ad placuit stipulatio subnixa. Actum Divione ad basilica domni Benigni, publice. Signum Dodolenus sive Dodo qui hanc cessionem a me factam relegi et subscripsi. Signum Bertrigus presbiter. Signum Leudebertus. Signum Amalbertus. Signum Deodatus. Signum Ermenricus. In Christi nomine, ego, Landebertus, presbiter, hanc epistola cessionis scripsi et subscripsi, notavi, die mercoris proximo ante medio mense octubris, anno XIIII regni domini nostri Hludovici regis. Item de Salono et bargis.